Act 7 | Ndebele | STEP | Umpristi omkhulu wasesithi: Kambe lezizinto zinjalo?

1 Umpristi omkhulu wasesithi: Kambe lezizinto zinjalo? 2 Wasesithi: Madoda, bazalwane labobaba, lalelani ^a. UNkulunkulu wenkazimulo wabonakala kubaba wethu uAbrahama eseMesopotamiya ^b, engakahlali eHarani ^c, 3 wasesithi kuye: Phuma elizweni lakini lezihlotsheni zakho, uze elizweni engizakutshengisa lona ^d. 4 Wasesuka elizweni lamaKhaladiya wahlala eHarani ^e; kwathi esuka lapho, emva kokufa kukayise ^f, wamsusa wamhlalisa kulelilizwe elihlezi kilo lina khathesi ^g; 5 kodwa kamnikanga ilifa kilo, hatshi lanyathela ^h; kodwa wathembisa ukumnika lona libe ngelakhe, lelenzalo yakhe emva kwakhe ⁱ, engakabi lamntwana ^j. 6 UNkulunkulu wasekhuluma kanje esithi inzalo yakhe izakuba yisihambi elizweni lemzini, bazayenza isigqili bazayiphatha kubi ^k, iminyaka engamakhulu amane ^l; 7 kodwa lesosizwe, abazakuba yizigqili kuso, ngizasigweba mina, kutsho uNkulunkulu; njalo emva kwalezizinto bazaphuma, bangikhonze kulindawo ^m. 8 Wasemnika isivumelwano sokusoka ⁿ; ngokunjalo wazala uIsaka, wamsoka ngosuku lwesificaminwembili ^o; loIsaka wazala uJakobe ^p, loJakobe ^q okhokho abalitshumi lambili ^r. 9 Okhokho ^s basebesiba lomona ^t bathengisa uJosefa eGibhithe ^u; kodwa uNkulunkulu wayelaye ^v, 10 wasemkhulula kuzo zonke inhlupheko zakhe, wamnika umusa lenhlakanipho phambi kukaFaro inkosi yeGibhithe; wasembeka ukuba ngumbusi phezu kweGibhithe lowendlu yakhe yonke ^w. 11 Kwasekufika indlala elizweni lonke leGibhithe leleKhanani, lokuhlupheka okukhulu; labobaba bethu kabatholanga ukudla ^x. 12 Kodwa uJakobe esezwile ukuthi kukhona amabele eGibhithe, wathuma obaba bethu okokuqala ^y. 13 Kwathi ngokwesibili ^z uJosefa waziswa kubafowabo ^aa, labakibo kaJosefa babonakaliswa kuFaro ^ab. 14 UJosefa wasethumela wabizela kuye uyise uJakobe ^ac, lalo lonke usendo lwakhe ^ad, kulemiphefumulo ^ae engamatshumi ayisikhombisa lanhlanu ^af. 15 UJakobe wasesehlela eGibhithe ^ag, wasesifa yena ^ah labobaba bethu ^ai; 16 basebethwalelwa ^aj eShikemi ^ak, balaliswa engcwabeni uAbrahama ayelithenge ngentengo yemali ^al kumadodana kaHamori ^{am
,} ^an weShikemi ^ao. 17 Kwathi sesisondele isikhathi sesithembiso uNkulunkulu ayesifunge kuAbrahama ^ap, bakhula abantu banda eGibhithe ^aq, 18 kwaze kwavela enye inkosi, eyayingamazi uJosefa ^ar. 19 Yona yasiphatha ngobuqili isizukulu sakithi, yabahlupha obaba bethu ^as, ukubalahlisa insane zabo ^at, ukuze zingaphili ^au. 20 Ngalesosikhathi kwazalwa uMozisi ^av, waba muhle kuNkulunkulu; owondliwa endlini kayise inyanga ezintathu ^aw. 21 Eselahliwe, indodakazi kaFaro yamdobha, yazondlela yena ukuthi abe yindodana ^ax. 22 Njalo uMozisi wafundiswa kuyo yonke inhlakanipho yamaGibhithe ^ay; wasesiba lamandla ngamazwi langemisebenzi ^az. 23 Kwathi eselesikhathi seminyaka engamatshumi amane agcweleyo, kwafika enhliziyweni yakhe ^ba ukuthi ahambele abafowabo abantwana bakoIsrayeli ^bb. 24 Kwathi ebona omunye ephathwa kubi, wamvikela wamphindisela ohlutshwayo, watshaya umGibhithe; 25 njalo wayethemba ukuthi abafowabo bazaqedisisa ukuthi uNkulunkulu ubanika inkululeko ngesandla sakhe; kodwa kabaqedisisanga. 26 Njalo ngosuku olulandelayo wazibonakalisa kubo ababesilwa, wabalamula ngamandla, esithi: Madoda, lingabazalwane; liphathanelani kubi ^bc? 27 Kodwa lowo owayemona umakhelwane wamsunduza, esithi: Ubekwe ngubani ukuba ngumbusi lomahluleli phezu kwethu? 28 Usufuna ukungibulala yini, njengoba ubulele umGibhithe izolo ^bd? 29 Ngalelilizwi uMozisi wasebaleka, waba ngowemzini elizweni leMadiyani ^be, lapho azala khona amadodana amabili ^bf. 30 Kwathi sekugcwaliseke iminyaka engamatshumi amane, kwabonakala kuye enkangala ^bg yentaba iSinayi ingilosi yeNkosi phakathi kwelangabi lomlilo esihlahleni ^bh. 31 Kwathi uMozisi esebonile wamangala ngalowombono; esasondela ukuthi akhangelisise, ilizwi leNkosi lafika kuye lisithi ^bi: 32 Mina nginguNkulunkulu waboyihlo, uNkulunkulu kaAbrahama loNkulunkulu kaIsaka loNkulunkulu kaJakobe ^bj. UMozisi wasethuthumela ^bk, kazaba lesibindi sokukhangelisisa ^bl. 33 INkosi yasisithi kuye: Khulula amanyathela enyaweni zakho; ngoba indawo omi kiyo ingumhlabathi ongcwele ^bm. 34 Ngikubonile lokukubona ukuhlutshwa kwabantu bami abaseGibhithe, njalo ngizwile ukububula kwabo; sengehlile ukuthi ngibakhulule; khathesi-ke woza, ngizakuthuma eGibhithe ^bn. 35 UMozisi lo abamalayo besithi: Ubekwe ngubani ukuba ngumbusi lomahluleli? - nguye uNkulunkulu amthumayo ukuba ngumbusi lomkhululi ngesandla sengilosi eyabonakala kuye esihlahleni ^bo. 36 Yena wabakhupha ^bp, esenze izimangaliso lezibonakaliso elizweni leGibhithe ^bq loLwandle oluBomvu ^br, lenkangala ^bs iminyaka engamatshumi amane ^bt. 37 Nguye lowo uMozisi owathi kubantwana bakoIsrayeli: INkosi uNkulunkulu wenu uzalivusela umprofethi kubazalwane benu onjengami; lizamuzwa yena ^bu. 38 Nguye lowo ^bv owayesebandleni enkangala ^bw, kanye lengilosi eyakhuluma laye entabeni iSinayi kanye labobaba bethu ^bx; owemukela ^by amazwi aphilayo ^bz, ukuze asinike; 39 yena obaba bethu abangavumanga ukumlalela, kodwa bamsunduzela eceleni, basebebuyela eGibhithe ngenhliziyo zabo ^ca, 40 besithi kuAroni: Senzele onkulunkulu abazahamba phambi kwethu; ngoba uMozisi lo, owasikhupha elizweni iGibhithe, kasazi ukuthi wehlelwe yini ^cb. 41 Basebesenza ithole ngalezonsuku ^cc, baletha umhlatshelo esithombeni ^cd, bajabula ^ce ngemisebenzi yezandla zabo ^cf. 42 Kodwa uNkulunkulu wafulathela ^cg, wabanikela ukuthi bakhonze ^ch ibutho lezulu ^ci; njengokulotshiweyo encwadini yabaprofethi ukuthi: Laletha kimi yini imihlatshelo leminikelo iminyaka engamatshumi amane enkangala, ndlu kaIsrayeli ^cj? 43 Njalo lathatha ithabhanekele likaMoloki lenkanyezi kankulunkulu wenu uRefani, imifanekiso elayenza ukuthi liyikhonze ^ck; njalo ngizalithuthela ngaphambili kweBhabhiloni ^cl. 44 Obaba bethu babelalo ithabhanekele lobufakazi enkangala ^cm, njengokulayela kwalowo owakhuluma loMozisi, ukuthi alenze ngomfanekiso ayewubonile ^cn; 45 okwathi futhi obaba bethu abalandelayo sebelemukele balingenisa kanye ^co loJoshuwa empahleni yezizwe ^cp, uNkulunkulu azixotsha phambi kobuso babobaba ^cq, kwaze kwaba sensukwini zikaDavida ^cr; 46 owathola umusa phambi kukaNkulunkulu ^cs, wacela ukutholela uNkulunkulu kaJakobe ithabhanekele ^ct. 47 Kodwa uSolomoni wamakhela indlu ^cu. 48 Kodwa ^cv oPhezukonke ^cw kahlali ethempelini ^cx elenziwe ngezandla ^cy, njengokutsho komprofethi ukuthi: 49 Izulu kimi liyisihlalo sobukhosi, lomhlaba uyisenabelo senyawo zami; lizangakhela indlu enjani, kutsho iNkosi; kumbe yiyiphi indawo yami yokuphumula? 50 Isandla sami kasizenzanga yini zonke lezizinto ^cz? 51 Lina ntamo zilukhuni ^{da
,} ^db njalo abangasokanga enhliziyweni lendlebeni ^{dc
,} ^dd, lina limelana njalonjalo loMoya oyiNgcwele; njengaboyihlo, linjalo lani ^de. 52 Nguwuphi owabaprofethi oyihlo abangamzingelanga ^df? Basebebulala labo abamemezela ngaphambili ngokuza koLungileyo ^dg, yena lo lina khathesi eselabangabanikeli lababulali bakhe ^dh; 53 elemukela umlayo ngokuhlela kwezingilosi ^di, kodwa kaliwulondolozanga ^dj.

Ukufa kukaStefane

54 Bathi sebezwile lezizinto, bahlabeka enhliziyweni zabo ^dk, bamgedlela amazinyo ^dl. 55 Kodwa yena egcwele uMoya oNgcwele ^dm, wajolozela ezulwini, wabona inkazimulo kaNkulunkulu ^dn, loJesu emi ngakwesokunene sikaNkulunkulu ^do, 56 wasesithi: Khangelani, ngibona amazulu evulekile ^dp, leNdodana yomuntu ^dq imi ngakwesokunene sikaNkulunkulu ^dr. 57 Kodwa bamemeza ngelizwi elikhulu, bavala indlebe zabo, batheleka phezu kwakhe bengqondonye; 58 basebemkhuphela ngaphandle komuzi ^ds, bamkhanda ngamatshe ^dt; labafakazi ^du babeka phansi izembatho zabo enyaweni zejaha elithiwa nguSawuli ^dv. 59 Bamkhanda ngamatshe uStefane ^dw, ebiza esithi: Nkosi Jesu ^dx, yemukela umoya wami ^dy. 60 Waseguqa ngamadolo, wamemeza ngelizwi elikhulu ^dz esithi: Nkosi ^ea, ungababaleli lesisono ^eb. Esetshilo lokhu walala ^ec.